O‘zbekistonning 47 ta tumanida 70−80 foiz korxonalarda ishchilar soni 1 nafarni tashkil etmoqda. Prezident buning uchun hokimlarni tanqid qilib, nima uchun korxonalar ijtimoiy soliq stavkasi tushirilganiga qaramasdan, «adolatli soliq to‘lashga» o‘ta olmayotganini so‘radi.
BMT Bosh assambleyasi Shavkat Mirziyoyev taklif etgan «Barqaror rivojlanish maqsadlariga erishishni jadallashtirishda parlamentlarning rolini kuchaytirish to‘g‘risida»gi rezolyutsiyani qo‘llab-quvvatladi. Dunyoning barcha qit’alaridagi 80 ta davlat hujjatning hammualliflari bo‘ldi.
Prezident videoselektor yig‘ilishida elektr va tabiiy gaz tarmoqlariga noqonuniy ulanishlar, o‘g‘irliklar davom etayotganini tanqid qildi. Xususan, Namanganda 110 tonna, Qoraqalpog‘istonda 22 tonna aholiga berilishi kerak bo‘lgan ko‘mir sotib yuborilgan.
O‘zbekiston prezidenti bosh vazirga mart oyigacha Toshkentga 1000 ta avtobus olib kelish bo‘yicha topshiriq berdi. Avvalroq buncha miqdordagi avtobuslarni 2025 yil oxirigacha sotib olish rejalashtirilgan edi.
Shavkat Mirziyoyev Uchtepa tumaniga tashrifi davomida kutilmaganda mahallaga tashrif buyurib, kirish eshiklari holatiga nazar tashladi, aholi xonadonlarida bo‘ldi. U mutasaddilarning issiqlik masalasini hal qilayotganiga ishontirdi, sovuq tez orada o‘tib ketishini aytib, yo‘laklar muzlaganini tanqid qildi.
Shavkat Mirziyoyevning Qirg‘izistonga davlat tashrifi, qirg‘iz tomoni xabar qilganidek, ushbu haftada emas, keyinroq bo‘lib o‘tadi, deya ma’lum qildi «Gazeta.uz»ning O‘zbekiston prezidenti Administratsiyasidagi manbasi.
O‘zbekiston prezidenti farmoni bilan 402 kishi, jumladan, 17 nafar xorijlik va 63 ayol afv etildi. Xususan, 223 nafar shaxs jazoni ijro etish muassasalaridan ozod qilinmoqda. Shuningdek, 58 nafar shaxsga tayinlangan ozodlikdan mahrum etish jazosining muddatlari qisqartiriladi.
O‘zbekiston Konstitutsiyasi qabul qilinganining 30 yilligi munosabati bilan prezident farmoniga ko‘ra mamlakat tarixida ilk bor 400 ga yaqin mahkum afv etildi. Bu haqda davlat rahbarining matbuot kotibi «Gazeta.uz»ga ma’lum qildi.
O‘zbekiston prezidenti Shavkat Mirziyoyev Sadir Japarov bilan telefonda suhbatlashib, uni tavallud kuni bilan tabrikladi. Shuningdek, Qirg‘iziston nashrlari 9 dekabr kuni Shavkat Mirziyoyevning mamlakatga tashrifi haqida xabar berdi.
O‘zbekiston prezidenti inklyuziv jamiyatni barpo etish bo‘yicha kompleks chora-tadbirlarni amalga oshirilishini aytdi. «Ishontirib aytamanki, sizlar o‘zlaringizni yolg‘iz his etmasligingiz uchun bor kuch va imkoniyatlarni safarbar etamiz», — dedi u Xalqaro nogironlar kuni munosabati bilan yo‘llagan murojaatida.
Prezidentga yerlarni auksion orqali sotishni soddalashtirish uchun savdoga qo‘yish bosqichlari va muddatlarini qisqartirish, bu jarayonga kadastr organlari xodimlarini jalb etish hamda xususiylashtirish bo‘yicha yig‘im miqdorini kamaytirish taklif etilmoqda. Davlat rahbari ushbu chora-tadbirlarni tasdiqladi.
O‘zbekiston va Qirg‘iziston o‘rtasida Andijon (Kampirobod) suv omborining suv resurslarini birgalikda boshqarish to‘g‘risidagi bitimni ratifikatsiya qilish bo‘yicha qonunlar imzolandi.
Prezident farmoni bilan Bosh prokuratura akademiyasi negizida Huquqni muhofaza qilish akademiyasi tashkil etiladi. Muassasada 2023/2024 o‘quv yilidan boshlab tergov faoliyati va huquqni muhofaza qilish faoliyatining boshqa sohalarida bakalavriat va magistratura o‘quv jarayoni yo‘lga qo‘yiladi.
O‘zbekistonda mahalliy elektromobillarni utilizatsiya yig‘imi, butlovchi, ehtiyot qismlar, asbob-uskunalar va xomashyoni esa bojxona to‘lovlaridan ozod qilish rejalashtirilmoqda. Shuningdek, investorlarga ma’lum miqdordagi elektromobillarni imtiyozli shartlar asosida olib kirishga ruxsat berilishi mumkin.
Shavkat Mirziyoyev kelgusi oyda Qirg‘izistonga tashrif buyuradi. Prezident matbuot xizmati qayd etishicha, «erishilgan kelishuvlar asosida chegara masalalari hal qilingani misli ko‘rilmagan yutug‘ bo‘ldi».
Shavkat Mirziyoyev va Emmanuel Makron Luvrda «O‘zbekiston vohalari xazinalari. Karvon yo‘llari chorrahasida» ko‘rgazmasini ochdilar. Ko‘rgazmadan O‘zbekiston va boshqa mamlakatlardagi muzeylardan keltirilgan buyumlar o‘rin olgan. 70 ta eksponat ko‘rgazma uchun maxsus restavratsiya qilindi.
Prezident Parijda «Airbus», «Orano», «Suez», «Alstom», «Total Eren», «EDF» kabi yirik kompaniyalar rahbarlari bilan uchrashdi. U fransiyalik tadbirkorlarni ishlab chiqarish uchun zarur infratuzilma bilan ta’minlash, imtiyozlar va kafolatlangan xaridlar vositasida qo‘llab-quvvatlashga tayyorligini bildirdi.
O‘zbekiston va Fransiya taraqqiyot agentligi o‘rtasida 2025 yilgacha bo‘lgan strategik hamkorlik dasturi imzolandi. U 1 milliard yevrodan ortiq loyihalarni birgalikda amalga oshirishni nazarda tutadi.
Shavkat Mirziyoyev Fransiyaga rasmiy tashrif bilan keldi. U Emmanuel Makron bilan uchrashib, Luvr va Arab dunyosi institutida O‘zbekistonning qadimiy madaniyati ko‘rgazmalarining ochilishida ishtirok etadi. Tashrif doirasida 14 ta hujjat imzolanishi rejalashtirilgan.
Fransiya prezidenti Emmanuel Makronning taklifi bilan Shavkat Mirziyoyev Parijga jo‘nab ketdi. Tashrifda Yelisey saroyida oliy darajadagi muzokaralar va Fransiya Milliy yig‘inida uchrashuv o‘tkazilishi rejalashtirilgan. Luvr muzeyi va Arab dunyosi institutiga tashrif ham ko‘zda tutilgan.
Qo‘shimcha imkoniyatlarga ega bulish uchun saytda ro‘yxatdan o‘ting